KHudi wo bahr hai jis ka koi kinara nahin
Interesting Fact
(Bal-e-Jibril)
ḳhudī vo bahr hai jis kā koī kināra nahīñ
tū aabjū ise samjhā agar to chāra nahīñ
tilism-e-gumbad-e-gardūñ ko toḌ sakte haiñ
zujāj kī ye imārat hai sañg-e-ḳhāra nahīñ
ḳhudī meñ Dūbte haiñ phir ubhar bhī aate haiñ
magar ye hausla-e-mard-e-hech-kāra nahīñ
tire maqām ko anjum-shanās kyā jaane
ki ḳhāk-e-zinda hai tū tāba-e-sitāra nahīñ
yahīñ bahisht bhī hai huur o jibra.īl bhī hai
tirī nigah meñ abhī shoḳhi-e-nazāra nahīñ
mire junūñ ne zamāne ko ḳhuub pahchānā
vo pairahan mujhe baḳhshā ki paara paara nahīñ
ġhazab hai ain-e-karam meñ baḳhīl hai fitrat
ki lāl-e-nāb meñ ātish to hai sharāra nahīñ
KHudi wo bahr hai jis ka koi kinara nahin
tu aabju ise samjha agar to chaara nahin
tilism-e-gumbad-e-gardun ko toD sakte hain
zujaj ki ye imarat hai sang-e-KHara nahin
KHudi mein Dubte hain phir ubhar bhi aate hain
magar ye hausla-e-mard-e-hech-kara nahin
tere maqam ko anjum-shanas kya jaane
ki KHak-e-zinda hai tu taba-e-sitara nahin
yahin bahisht bhi hai hur o jibrail bhi hai
teri nigah mein abhi shoKHi-e-nazara nahin
mere junun ne zamane ko KHub pahchana
wo pairahan mujhe baKHsha ki para para nahin
ghazab hai ain-e-karam mein baKHil hai fitrat
ki lal-e-nab mein aatish to hai sharara nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
