khule jo aah mein bab-e-asar na pahchane

khule jo aah meñ bāb-e-asar na pahchāne

ḳhushī kā rañg ġham-e-mo'tabar na pahchāne

uḌe jo chiil to dekhe lahū kī jhiil meñ aks

shafaq Dhale to sharīk-e-safar na pahchāne

ugeñ jo phuul to dhartī bhalī bhalī sī lage

zamīñ kā dard-e-tasavvur magar na pahchāne

havas ki ziist kare rail ke safar kī tarah

safar ke ba.ad sharīk-e-safar na pahchāne

tamām-rāt kā jaltā huā diyā na bujhe

shab-e-firāq naved-e-sahar na pahchāne

nigāh jaatī to hai ruk na jā.iyo us paas

palaT bhī aa.iyo jo vo nazar na pahchāne

khule jo aah mein bab-e-asar na pahchane

KHushi ka rang gham-e-mo'tabar na pahchane

uDe jo chil to dekhe lahu ki jhil mein aks

shafaq Dhale to sharik-e-safar na pahchane

ugen jo phul to dharti bhali bhali si lage

zamin ka dard-e-tasawwur magar na pahchane

hawas ki zist kare rail ke safar ki tarah

safar ke baad sharik-e-safar na pahchane

tamam-raat ka jalta hua diya na bujhe

shab-e-firaq nawed-e-sahar na pahchane

nigah jati to hai ruk na jaiyo us pas

palaT bhi aaiyo jo wo nazar na pahchane