khuli aur band aankhon se use takta raha main bhi

khulī aur band āñkhoñ se use taktā rahā maiñ bhī

tirī duniyā ke pīchhe bhāgtā phirtā rahā maiñ bhī

mirī āvāz pichhlī raat tujh tak kaise aa paatī

kisī gahre kueñ meñ raat bhar sotā rahā maiñ bhī

ba-zāhir dekhtī āñkheñ ba-zāhir jāgtī rūheñ

ba-zāhir in sabhoñ ke saath hī jiitā rahā maiñ bhī

maiñ huuñ is kārsāz-e-be-kasāñ kī dastaras meñ yuuñ

vo jis sāñche meñ bhī Dhālā kiyā Dhaltā rahā maiñ bhī

badan malbūs meñ sho.ala sā ik larzāñ qarīn-e-jāñ

dil-e-ḳhāshāk bhī sho.ala huā jaltā rahā maiñ bhī

hai jis rāh-e-yaqīñ par gāmzan pā-e-ḳhirad har-dam

usī rāh-e-gumāñ par muddatoñ chaltā rahā maiñ bhī

khuli aur band aankhon se use takta raha main bhi

teri duniya ke pichhe bhagta phirta raha main bhi

meri aawaz pichhli raat tujh tak kaise aa pati

kisi gahre kuen mein raat bhar sota raha main bhi

ba-zahir dekhti aankhen ba-zahir jagti ruhen

ba-zahir in sabhon ke sath hi jita raha main bhi

main hun is karsaz-e-be-kasan ki dastaras mein yun

wo jis sanche mein bhi Dhaala kiya Dhalta raha main bhi

badan malbus mein shoala sa ek larzan qarin-e-jaan

dil-e-KHashak bhi shoala hua jalta raha main bhi

hai jis rah-e-yaqin par gamzan pa-e-KHirad har-dam

usi rah-e-guman par muddaton chalta raha main bhi