KHurshid-ruKHon ka samna hai

ḳhurshīd-ruḳhoñ kā sāmnā hai

shabnam-sifat aabrū havā hai

dil zaḳhmī-e-ishq hai sazā hai

bhar duuñ jo namak to phir mazā hai

ab to dil us par aa gayā hai

achchhā hai burā hai yā bhalā hai

bainnul-a.ād meñ aadmī hai

duniyā ek beach kī sirā hai

aisī hai malāhat us ke muñh par

ruḳhsār kā sabza lo nayā hai

iksīr hai dil kī ḳhāksārī

kushta ho jo nafas-e-kīmiyā hai

mun.im na kar e.atibār-e-daulat

iqbāl kā qalb lā-baqā hai

vo dil na rahā jā naaz uThā.ūñ

maiñ bhī huuñ ḳhafā jo vo ḳhafā hai

kam hai jo sitam ho tujh par ai dil

be-rahm se aur mil sazā hai

dil tum ko to phir kisī din

pyaar koī tum se bhī sivā hai

achchhī nahīñ ye ḳhalish raqībo

kāñTe bo kar koī phalā hai

ham dekheñ maze raqīb luuTe

yuuñ us se bhī to kyā mazā hai

dam siine se kyuuñ nahīñ nikaltā

kyā jism-e-nazār ḳhār-e-pā hai

daulat se kabhī na ser hoñge

shāhoñ ko faqīr kī duā hai

chhuptā nahīñ koī apne dil meñ

āñkhoñ meñ vahī khaTak rahā hai

is rañj meñ bhī nibāh deñge

apnā abhī itnā hausla hai

ai 'bahr' ġhazal kahī jo tum ne

ye tarz-e-kalām 'mīr' kā hai

KHurshid-ruKHon ka samna hai

shabnam-sifat aabru hawa hai

dil zaKHmi-e-ishq hai saza hai

bhar dun jo namak to phir maza hai

ab to dil us par aa gaya hai

achchha hai bura hai ya bhala hai

bainnul-aad mein aadmi hai

duniya ek beach ki sira hai

aisi hai malahat us ke munh par

ruKHsar ka sabza lo naya hai

iksir hai dil ki KHaksari

kushta ho jo nafas-e-kimiya hai

munim na kar eatibar-e-daulat

iqbaal ka qalb la-baqa hai

wo dil na raha ja naz uThaun

main bhi hun KHafa jo wo KHafa hai

kam hai jo sitam ho tujh par ai dil

be-rahm se aur mil saza hai

dil tum ko to phir kisi din

pyar koi tum se bhi siwa hai

achchhi nahin ye KHalish raqibo

kanTe bo kar koi phala hai

hum dekhen maze raqib luTe

yun us se bhi to kya maza hai

dam sine se kyun nahin nikalta

kya jism-e-nazar KHar-e-pa hai

daulat se kabhi na ser honge

shahon ko faqir ki dua hai

chhupta nahin koi apne dil mein

aankhon mein wahi khaTak raha hai

is ranj mein bhi nibah denge

apna abhi itna hausla hai

ai 'bahr' ghazal kahi jo tum ne

ye tarz-e-kalam 'mir' ka hai