KHushbu ki tarah aaya wo tez hawaon mein

ḳhushbū kī tarah aayā vo tez havāoñ meñ

māñgā thā jise ham ne din raat duāoñ meñ

tum chhat pe nahīñ aa.e maiñ ghar se nahīñ niklā

ye chāñd bahut bhaTkā sāvan kī ghaTāoñ meñ

is shahr meñ ik laḌkī bilkul hai ġhazal jaisī

bijlī sī ghaTāoñ meñ ḳhushbū sī adāoñ meñ

mausam kā ishāra hai ḳhush rahne do bachchoñ ko

ma.asūm mohabbat hai phūloñ kī ḳhatāoñ meñ

ham chāñd sitāroñ kī rāhoñ ke musāfir haiñ

ham raat chamakte haiñ tārīk ḳhalāoñ meñ

bhagvān hī bhejeñge chāval se bharī thālī

mazlūm parindoñ kī ma.asūm sabhāoñ meñ

daadā baḌe bhole the sab se yahī kahte the

kuchh zahr bhī hotā hai añgrezī davāoñ meñ

KHushbu ki tarah aaya wo tez hawaon mein

manga tha jise hum ne din raat duaon mein

tum chhat pe nahin aae main ghar se nahin nikla

ye chand bahut bhaTka sawan ki ghaTaon mein

is shahr mein ek laDki bilkul hai ghazal jaisi

bijli si ghaTaon mein KHushbu si adaon mein

mausam ka ishaara hai KHush rahne do bachchon ko

masum mohabbat hai phulon ki KHataon mein

hum chand sitaron ki rahon ke musafir hain

hum raat chamakte hain tarik KHalaon mein

bhagwan hi bhejenge chawal se bhari thaali

mazlum parindon ki masum sabhaon mein

dada baDe bhole the sab se yahi kahte the

kuchh zahr bhi hota hai angrezi dawaon mein