KHushbu phul saba aur shabnam dil ki dhaDkan taj-mahal

ḳhushbū phuul sabā aur shabnam dil kī dhaḌkan tāj-mahal

achchhe achchhe pyāre pyāre lafz ye saare aap ke naam

aap kī dilkash qurbat pā kar jaag uThī un kī taqdīr

rang-birange phūloñ ke ye jhilmil gajre aap ke naam

gulshan-e-jāñ kī pattī pattī mauj-e-nasīm-e-itr-fashāñ

rang-e-bahārāñ phuul shagūfe sab gul-daste aap ke naam

bām-o-dar mehrābeñ kamre āñgan aur dālān hī kyā

qasr-e-adab ke sab darvāze saare darīche aap ke naam

nazm-o-ġhazal kā jaadū jin meñ sab ke sar chaḌh ke bole

shahr-e-suḳhan meñ hone vaale vo hangāme aap ke naam

aap ke naam kiye 'sīmā' ne saare ḳhazāne ḳhushiyoñ ke

mahkī rut ke dinoñ ke jalve raat ke gahne aap ke naam

KHushbu phul saba aur shabnam dil ki dhaDkan taj-mahal

achchhe achchhe pyare pyare lafz ye sare aap ke nam

aap ki dilkash qurbat pa kar jag uThi un ki taqdir

rang-birange phulon ke ye jhilmil gajre aap ke nam

gulshan-e-jaan ki patti patti mauj-e-nasim-e-itr-fashan

rang-e-bahaaran phul shagufe sab gul-daste aap ke nam

baam-o-dar mehraben kamre aangan aur dalan hi kya

qasr-e-adab ke sab darwaze sare dariche aap ke nam

nazm-o-ghazal ka jadu jin mein sab ke sar chaDh ke bole

shahr-e-suKHan mein hone wale wo hangame aap ke nam

aap ke nam kiye 'sima' ne sare KHazane KHushiyon ke

mahki rut ke dinon ke jalwe raat ke gahne aap ke nam