KHushi ka sath mila bhi to dil pe bar raha

ḳhushī kā saath milā bhī to dil pe baar rahā

maiñ aap apnī tabāhī kā zimmedār rahā

adhūre ḳhvāb ga.e din ajaan andeshe

mirī hayāt pe kis kis kā iḳhtiyār rahā

jo sab pe bojh thā ik shaam jab nahīñ lauTā

usī parinde kā shāḳhoñ ko intizār rahā

vo koī aur hī jazba thā sirf pyaar na thā

tujhe jo apnā jatāne ko be-qarār rahā

na jaane kis kā ta.alluq thā mere saath 'vasīm'

koī bhī duur huā mujh ko sāzgār rahā

KHushi ka sath mila bhi to dil pe bar raha

main aap apni tabahi ka zimmedar raha

adhure KHwab gae din ajaan andeshe

meri hayat pe kis kis ka iKHtiyar raha

jo sab pe bojh tha ek sham jab nahin lauTa

usi parinde ka shaKHon ko intizar raha

wo koi aur hi jazba tha sirf pyar na tha

tujhe jo apna jatane ko be-qarar raha

na jaane kis ka talluq tha mere sath 'wasim'

koi bhi dur hua mujh ko sazgar raha