KHushi mahsus karta hun na gham mahsus karta hun

ḳhushī mahsūs kartā huuñ na ġham mahsūs kartā huuñ

bahr-ālam tumhārā hī karam mahsūs kartā huuñ

alam apnā to duniyā meñ sabhī mahsūs karte haiñ

magar maiñ huuñ ki duniyā kā alam mahsūs kartā huuñ

bas itnī baat par momin mujhe kāfir samajhte haiñ

dar-e-jānāñ ko mehrāb-e-haram mahsūs kartā huuñ

abhī saaqī kā faiz-e-ām shāyad nā-mukammal hai

abhī kuchh imtiyāz-e-besh-o-kam mahsūs kartā huuñ

haram vāloñ ko ahl-e-but-kada kuchh bhī samajhte hoñ

magar maiñ but-kade ko bhī haram mahsūs kartā huuñ

mirī taqdīr se pahle sañvarnā jin kā mushkil hai

tirī zulfoñ meñ kuchh aise bhī ḳham mahsūs kartā huuñ

'azīz'-e-vārsī ye bhī kisī kā mujh pe ehsāñ hai

ki har mahfil meñ ab apnā bharam mahsūs kartā huuñ

KHushi mahsus karta hun na gham mahsus karta hun

bahr-alam tumhaara hi karam mahsus karta hun

alam apna to duniya mein sabhi mahsus karte hain

magar main hun ki duniya ka alam mahsus karta hun

bas itni baat par momin mujhe kafir samajhte hain

dar-e-jaanan ko mehrab-e-haram mahsus karta hun

abhi saqi ka faiz-e-am shayad na-mukammal hai

abhi kuchh imtiyaz-e-besh-o-kam mahsus karta hun

haram walon ko ahl-e-but-kada kuchh bhi samajhte hon

magar main but-kade ko bhi haram mahsus karta hun

meri taqdir se pahle sanwarna jin ka mushkil hai

teri zulfon mein kuchh aise bhi KHam mahsus karta hun

'aziz'-e-warsi ye bhi kisi ka mujh pe ehsan hai

ki har mahfil mein ab apna bharam mahsus karta hun