KHushi se phulen na ahl-e-sahra abhi kahan se bahaar aai

ḳhushī se phūleñ na ahl-e-sahrā abhī kahāñ se bahār aa.ī

abhī to pahuñchā hai ābloñ tak mirā mazāq-e-barhana-pā.ī

tire mufakkir samajh na paa.e mizāj-e-tahzīb-e-mustafā.ī

usūl-e-johd-e-baqā ke bande buland hai zauq-e-ḳhud-fanā.ī

ḳhalīl mast-e-mai-e-junūñ thā magar maiñ tum se ye pūchhtā huuñ

razā-e-haq kī chhurī ke nīche hayāt aa.ī kī maut aa.ī

jo qillat-e-sīm-o-zar kā ġham hai to aao qaisar ke jānashīno

tumhārī ḳhātir zarā jhukā duuñ maiñ apnā ye kāsa-e-gadā.ī

bajā tirā nāz-e-be-niyāzī magar ye insāf bhī nahīñ hai

ki terī duniyā meñ tere bande butoñ kī dete phireñ duhā.ī

nadīm tārīḳh-e-fat.h-e-dānish bas itnā likh kar tamām kar de

ki shātirān-e-jahāñ ne āḳhir ḳhud apnī chāloñ se maat khaa.ī

chalo ki 'fārūq' mai-kade meñ dimāġh taaza to pahle kar leñ

phir aa ke ahl-e-haram ko deñge payām-e-tajdīd-e-pārsā.ī

KHushi se phulen na ahl-e-sahra abhi kahan se bahaar aai

abhi to pahuncha hai aablon tak mera mazaq-e-barhana-pai

tere mufakkir samajh na pae mizaj-e-tahzib-e-mustafai

usul-e-johd-e-baqa ke bande buland hai zauq-e-KHud-fanai

KHalil mast-e-mai-e-junun tha magar main tum se ye puchhta hun

raza-e-haq ki chhuri ke niche hayat aai ki maut aai

jo qillat-e-sim-o-zar ka gham hai to aao qaisar ke jaanashino

tumhaari KHatir zara jhuka dun main apna ye kasa-e-gadai

baja tera naz-e-be-niyazi magar ye insaf bhi nahin hai

ki teri duniya mein tere bande buton ki dete phiren duhai

nadim tariKH-e-fath-e-danish bas itna likh kar tamam kar de

ki shatiran-e-jahan ne aaKHir KHud apni chaalon se mat khai

chalo ki 'faruq' mai-kade mein dimagh taza to pahle kar len

phir aa ke ahl-e-haram ko denge payam-e-tajdid-e-parsai