KHub bujha hun main us yar kun kui kya jaane

ḳhuub būjhā huuñ maiñ us yaar kuuñ kui kyā jaane

is tarah ke but-e-ayyār kuuñ kui kyā jaane

le ga.iiñ haat señ dil us kī jhukī huī āñkheñ

hīla-e-mardum-e-bīmār kuuñ kui kyā jaane

maiñ na būjhā thā tirī zulf-e-girah-dār ke pech

sach ki kaifīyat-e-makkār kuuñ kui kyā jaane

sharh-e-be-tābī-e-dil niiñ hai qalam kī tāqat

tapish-e-shauq ke tūmār kuuñ kui kyā jaane

sharbat-e-ḳhūn-e-jigar kā maza 'āshiq paave

lazzat-e-ishq-e-jigar-ḳhār kuuñ kui kyā jaane

mashrab-e-ishq meñ haiñ shaiḳh-o-barhaman yaksāñ

rishta-e-sub.ha-o-zunnār kuuñ kui kyā jaane

namak-e-zaḳhm huā marham-e-gālīnosī

ḳhalish-e-sīna-e-afgār kuuñ kui kyā jaane

tauq-o-zanjīr nahīñ jis pe kise rahm aave

dām-e-ulfat ke giraftār kuuñ kui kyā jaane

jab talak talḳhī-e-shorāba-e-ġham chākhā niiñ

tab talak lazzat-e-dīdār kuuñ kui kyā jaane

qadar us nāfa-e-tātār kī mujh señ pūchho

yaar kī zulf kī mahkār kuuñ kui kyā jaane

maiñ kahā zaḳhmī-e-ġham huuñ to diyā us ne javāb

ai 'sirāj' aise chhupe vaar kuuñ kui kyā jaane

KHub bujha hun main us yar kun kui kya jaane

is tarah ke but-e-ayyar kun kui kya jaane

le gain hat sen dil us ki jhuki hui aankhen

hila-e-mardum-e-bimar kun kui kya jaane

main na bujha tha teri zulf-e-girah-dar ke pech

sach ki kaifiyat-e-makkar kun kui kya jaane

sharh-e-be-tabi-e-dil nin hai qalam ki taqat

tapish-e-shauq ke tumar kun kui kya jaane

sharbat-e-KHun-e-jigar ka maza 'ashiq pawe

lazzat-e-ishq-e-jigar-KHar kun kui kya jaane

mashrab-e-ishq mein hain shaiKH-o-barhaman yaksan

rishta-e-subha-o-zunnar kun kui kya jaane

namak-e-zaKHm hua marham-e-galinosi

KHalish-e-sina-e-afgar kun kui kya jaane

tauq-o-zanjir nahin jis pe kise rahm aawe

dam-e-ulfat ke giraftar kun kui kya jaane

jab talak talKHi-e-shoraba-e-gham chaakha nin

tab talak lazzat-e-didar kun kui kya jaane

qadar us nafa-e-tatar ki mujh sen puchho

yar ki zulf ki mahkar kun kui kya jaane

main kaha zaKHmi-e-gham hun to diya us ne jawab

ai 'siraj' aise chhupe war kun kui kya jaane