KHub-ruyon se yariyan na gain
ḳhūb-rūyoñ se yāriyāñ na ga.iiñ
dil kī be-iḳhtiyāriyāñ na ga.iiñ
aql-e-sabr-āshnā se kuchh na huā
shauq kī be-qarāriyāñ na ga.iiñ
din kī sahrā-navardiyāñ na chhuTīñ
shab kī aḳhtar-shumāriyāñ na ga.iiñ
hosh yaañ sadd-e-rāh-e-ilm rahā
aql kī harzā-kāriyāñ na ga.iiñ
the jo ham-rañg-e-nāz un ke sitam
dil kī ummīdvāriyāñ na ga.iiñ
husn jab tak rahā nazāra-farosh
sabr kī sharmsāriyāñ na ga.iiñ
tarz-e-'momin' meñ marhabā 'hasrat'
terī rangīñ-nigāriyāñ na ga.iiñ
KHub-ruyon se yariyan na gain
dil ki be-iKHtiyariyan na gain
aql-e-sabr-ashna se kuchh na hua
shauq ki be-qarariyan na gain
din ki sahra-nawardiyan na chhuTin
shab ki aKHtar-shumariyan na gain
hosh yan sadd-e-rah-e-ilm raha
aql ki harza-kariyan na gain
the jo ham-rang-e-naz un ke sitam
dil ki ummidwariyan na gain
husn jab tak raha nazara-farosh
sabr ki sharmsariyan na gain
tarz-e-'momin' mein marhaba 'hasrat'
teri rangin-nigariyan na gain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
