KHun aansu ban gaya aaankhon mein bhar jaane ke baad
ḳhuun aañsū ban gayā ā.ankhoñ meñ bhar jaane ke ba.ad
aap aa.e to magar tūfāñ guzar jaane ke ba.ad
chāñd kā dukh bāñTne nikle haiñ ab ahl-e-vafā
raushnī kā saarā shīrāza bikhar jaane ke ba.ad
hosh kyā aayā musalsal jal rahā huuñ hijr meñ
ik sunahrī raat kā nashsha utar jaane ke ba.ad
zaḳhm jo tum ne diyā vo is liye rakkhā harā
zindagī meñ kyā bachegā zaḳhm bhar jaane ke ba.ad
shaam hote hī charāġhoñ se tumhārī guftugū
ham bahut masrūf ho jaate haiñ ghar jaane ke ba.ad
zindagī ke naam par ham umar bhar jiite rahe
zindagī ko ham ne paayā bhī to mar jaane ke ba.ad
KHun aansu ban gaya aaankhon mein bhar jaane ke baad
aap aae to magar tufan guzar jaane ke baad
chand ka dukh banTne nikle hain ab ahl-e-wafa
raushni ka sara shiraaza bikhar jaane ke baad
hosh kya aaya musalsal jal raha hun hijr mein
ek sunahri raat ka nashsha utar jaane ke baad
zaKHm jo tum ne diya wo is liye rakkha hara
zindagi mein kya bachega zaKHm bhar jaane ke baad
sham hote hi charaghon se tumhaari guftugu
hum bahut masruf ho jate hain ghar jaane ke baad
zindagi ke nam par hum umar bhar jite rahe
zindagi ko hum ne paya bhi to mar jaane ke baad
- Book : Mehrab-e-ishq (Pg. 38)
- Author : Azm Shakrii
- Publication : Lamhe Lamhe Publications
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
