KHun-chakan aaj mere dil ki sada hai to sahi

ḳhūñ-chakāñ aaj mire dil kī sadā hai to sahī

terī bedād taġhāful kā gila hai to sahī

tamtamāne lage phir lāla-o-gul ke ruḳhsār

koī sho'la tah-e-dāmān-e-sabā hai to sahī

ḳhud-baḳhud koī mirī samt khiñchā aatā hai

husn bhī mo'taqid-e-jazb-e-vafā hai to sahī

justujū-e-haram-o-dair karūñ kyoñ ai dost

bahr-e-sajda tirā naqsh-e-kaf-e-pā hai to sahī

karam-e-yār se māyūs na ho ai 'muztar'

iltifāt-e-nigah-e-hosh-rubā hai to sahī

KHun-chakan aaj mere dil ki sada hai to sahi

teri bedad taghaful ka gila hai to sahi

tamtamane lage phir lala-o-gul ke ruKHsar

koi sho'la tah-e-daman-e-saba hai to sahi

KHud-baKHud koi meri samt khincha aata hai

husn bhi mo'taqid-e-jazb-e-wafa hai to sahi

justuju-e-haram-o-dair karun kyon ai dost

bahr-e-sajda tera naqsh-e-kaf-e-pa hai to sahi

karam-e-yar se mayus na ho ai 'muztar'

iltifat-e-nigah-e-hosh-ruba hai to sahi