KHun-e-dil ka jo kuchh ashkon se pata milta hai

ḳhūn-e-dil kā jo kuchh ashkoñ se pata miltā hai

ham ko jī khol ke rone kā mazā miltā hai

ham se is ishq-e-majāzī kī haqīqat pūchho

ki ye but jab nahīñ milte to ḳhudā miltā hai

shauq se kar mujhe pāmāl magar ye to batā

ḳhaak meñ milne se mere tujhe kyā miltā hai

aaj tak ham ko to vo but na milā par na milā

kahte haiñ DhūñDne vaale ko ḳhudā miltā hai

kund ḳhanjar kī shikāyat maiñ karūñ kyuuñ 'nātiq'

sach to ye hai ki mujhe yuuñ hī mazā miltā hai

KHun-e-dil ka jo kuchh ashkon se pata milta hai

hum ko ji khol ke rone ka maza milta hai

hum se is ishq-e-majazi ki haqiqat puchho

ki ye but jab nahin milte to KHuda milta hai

shauq se kar mujhe pamal magar ye to bata

KHak mein milne se mere tujhe kya milta hai

aaj tak hum ko to wo but na mila par na mila

kahte hain DhunDne wale ko KHuda milta hai

kund KHanjar ki shikayat main karun kyun 'natiq'

sach to ye hai ki mujhe yun hi maza milta hai