KHun-fishan ho gaya gul-nihad-e-husain abr-o-baad-e-husain

ḳhūñ-fishāñ ho gayā gul-nihād-e-husain abr-o-bād-e-husain

chal paḌī regzāroñ meñ bād-e-husain abr-o-bād-e-husain

raat bhar niiñd meñ hai mirā 'ishq aur hukmrān-e-damishq

girya-e-sub.h hai aur yād-e-husain abr-o-bād-e-husain

hashr kā din farishtoñ kī āvāz aur mustaqil ḳhāmushī

ek nād-e-'alī ek nād-e-husain abr-o-bād-e-husain

ek bārish-bharī tez mahkār se dil mahakne lagā

jaañ nasheb-e-hasan dil savād-e-husain abr-o-bād-e-husain

āya-e-ḳhvāb par paak as.hāb par mustaqil rahmateñ

karbalā.ī haiñ ham ḳhāna-zād-e-husain abr-o-bād-e-husain

shīsha-e-jān ke naam kī ret thī surḳh-tar ho ga.ī

vo murād-e-nabī vo murād-e-husain abr-o-bād-e-husain

kūfa-e-nām meñ ye laḌā.ī mirī āḳhirī saañs tak

merī hubb-e-'alī hai jihād-e-husain abr-o-bād-e-husain

marg-bar-marg ho us pe jo kūfiyoñ kī tarah uḌ gayā

jo garajne lagā us ko dād-e-husain abr-o-bād-e-husain

KHun-fishan ho gaya gul-nihad-e-husain abr-o-baad-e-husain

chal paDi regzaron mein baad-e-husain abr-o-baad-e-husain

raat bhar nind mein hai mera 'ishq aur hukmran-e-damishq

girya-e-subh hai aur yaad-e-husain abr-o-baad-e-husain

hashr ka din farishton ki aawaz aur mustaqil KHamushi

ek nad-e-'ali ek nad-e-husain abr-o-baad-e-husain

ek barish-bhari tez mahkar se dil mahakne laga

jaan nasheb-e-hasan dil sawad-e-husain abr-o-baad-e-husain

aaya-e-KHwab par pak ashab par mustaqil rahmaten

karbalai hain hum KHana-zad-e-husain abr-o-baad-e-husain

shisha-e-jaan ke nam ki ret thi surKH-tar ho gai

wo murad-e-nabi wo murad-e-husain abr-o-baad-e-husain

kufa-e-nam mein ye laDai meri aaKHiri sans tak

meri hubb-e-'ali hai jihad-e-husain abr-o-baad-e-husain

marg-bar-marg ho us pe jo kufiyon ki tarah uD gaya

jo garajne laga us ko dad-e-husain abr-o-baad-e-husain