KHun rulwaegi ye jangal-parasti ek din

ḳhuun rulvā.egī ye jañgal-parastī ek din

sab chale jā.eñge ḳhālī kar ke bastī ek din

chūstā rahtā hai ras bhauñrā abhī tak dekh lo

phuul ne bhūle se kī thī sarparastī ek din

dene vaale ne tabī.at kyā ajab dī hai use

ek din ḳhāna-badoshī ghar-grihastī ek din

kaise kaise log dastāroñ ke mālik ho ga.e

bik rahī thī shahr meñ thoḌī sī sastī ek din

tum ko ai vīrāniyoñ shāyad nahīñ ma.alūm hai

ham banā.eñge isī sahrā ko bastī ek din

roz-o-shab ham ko bhī samjhātī hai miTTī qabr kī

ḳhaak meñ mil jā.egī terī bhī hastī ek din

KHun rulwaegi ye jangal-parasti ek din

sab chale jaenge KHali kar ke basti ek din

chusta rahta hai ras bhaunra abhi tak dekh lo

phul ne bhule se ki thi sarparasti ek din

dene wale ne tabiat kya ajab di hai use

ek din KHana-badoshi ghar-grihasti ek din

kaise kaise log dastaron ke malik ho gae

bik rahi thi shahr mein thoDi si sasti ek din

tum ko ai viraniyon shayad nahin malum hai

hum banaenge isi sahra ko basti ek din

roz-o-shab hum ko bhi samjhati hai miTTi qabr ki

KHak mein mil jaegi teri bhi hasti ek din