KHwab ki rah mein aae na dar-o-baam kabhi

Hasan Naim

KHwab ki rah mein aae na dar-o-baam kabhi

Hasan Naim

MORE BYHasan Naim

    ḳhvāb raah meñ aa.e na dar-o-bām kabhī

    is musāfir ne uThāyā nahīñ ārām kabhī

    rashk-e-mahtāb hai ik dāġh-e-tamannā kab se

    dil nazzāra karo aa ke sar-e-shām kabhī

    shab-ba-ḳhair us ne kahā thā ki sitāre larze

    ham na bhūleñge judā.ī vo hañgām kabhī

    sarkashī apnī huī kam na ummīdeñ TūTīñ

    mujh se kuchh ḳhush na gayā mausam-e-ālām kabhī

    ham se āvāroñ sohbat meñ hai vo lutf ki bas

    do ghaḌī mil to sahī gardish-e-ayyām kabhī

    ai sabā maiñ bhī thā āshufta-saroñ meñ yaktā

    pūchhnā dillī galiyoñ se mirā naam kabhī

    nudrat-e-fikr ne gar saath jo chhoḌā to 'na.īm'

    apne sar leñge tatabbo na ilzām kabhī

    KHwab ki rah mein aae na dar-o-baam kabhi

    is musafir ne uThaya nahin aaram kabhi

    rashk-e-mahtab hai ek dagh-e-tamanna kab se

    dil ka nazzara karo aa ke sar-e-sham kabhi

    shab-ba-KHair us ne kaha tha ki sitare larze

    hum na bhulenge judai ka wo hangam kabhi

    sarkashi apni hui kam na ummiden TuTin

    mujh se kuchh KHush na gaya mausam-e-alam kabhi

    hum se aawaron ki sohbat mein hai wo lutf ki bas

    do ghaDi mil to sahi gardish-e-ayyam kabhi

    ai saba main bhi tha aashufta-saron mein yakta

    puchhna dilli ki galiyon se mera nam kabhi

    nudrat-e-fikr ne gar sath jo chhoDa to 'naim'

    apne sar lenge tatabbo ka na ilzam kabhi

    RECITATIONS

    Nomaan Shauque

    Nomaan Shauque

    Nomaan Shauque

    KHwab ki rah mein aae na dar-o-baam kabhi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY