KHwab Thahra sar-e-manzil na tah-e-baam kabhi

ḳhvāb Thahrā sar-e-manzil na tah-e-bām kabhī

is musāfir ne uThāyā nahīñ ārām kabhī

shab-ba-ḳhair us ne kahā thā ki sitāre larze

ham na bhūleñge judā.ī kā vo hañgām kabhī

sar-kashī apnī huī kam na umīdeñ TūTīñ

mujh se kuchh ḳhush na gayā mausam-e-ālām kabhī

ham se āvāroñ kī sohbat meñ hai vo lutf ki bas

do-ghaḌī mil to sahī gardish-e-ayyām kabhī

ai sabā maiñ bhī thā āshufta-saroñ meñ yaktā

pūchhnā dillī kī galiyoñ se mirā naam kabhī

KHwab Thahra sar-e-manzil na tah-e-baam kabhi

is musafir ne uThaya nahin aaram kabhi

shab-ba-KHair us ne kaha tha ki sitare larze

hum na bhulenge judai ka wo hangam kabhi

sar-kashi apni hui kam na umiden TuTin

mujh se kuchh KHush na gaya mausam-e-alam kabhi

hum se aawaron ki sohbat mein hai wo lutf ki bas

do-ghaDi mil to sahi gardish-e-ayyam kabhi

ai saba main bhi tha aashufta-saron mein yakta

puchhna dilli ki galiyon se mera nam kabhi