KHwabon ko libas de raha hun

ḳhvāboñ ko libās de rahā huuñ

zaḳhmoñ kī kapās de rahā huuñ

sairābī-e-dard-o-ġham kī ḳhātir

ashkoñ kā gilās de rahā huuñ

tum ruuh ko itr-bez kar lo

maiñ ḳhuld kī baas de rahā huuñ

īqāñ kī phaTī lahad meñ jā kar

maiñ ḳhāk-e-qayās de rahā huuñ

hai kizb ke bahr meñ ravānī

ab sidq kī pyaas de rahā huuñ

sarsabz rahegā fan kā maidāñ

tanvīr kī ghaas de rahā huuñ

tum vaqt kā zā.iqa lo 'qudsī'

talḳhī se miThās de rahā huuñ

KHwabon ko libas de raha hun

zaKHmon ki kapas de raha hun

sairabi-e-dard-o-gham ki KHatir

ashkon ka gilas de raha hun

tum ruh ko itr-bez kar lo

main KHuld ki bas de raha hun

iqan ki phaTi lahad mein ja kar

main KHak-e-qayas de raha hun

hai kizb ke bahr mein rawani

ab sidq ki pyas de raha hun

sarsabz rahega fan ka maidan

tanwir ki ghas de raha hun

tum waqt ka zaiqa lo 'qudsi'

talKHi se miThas de raha hun