aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHwahishen itni baDhin insan aadha rah gaya

Akhtar Hoshiyarpuri

KHwahishen itni baDhin insan aadha rah gaya

Akhtar Hoshiyarpuri

MORE BYAkhtar Hoshiyarpuri

    ḳhvāhisheñ itnī baḌhīñ insān aadhā rah gayā

    ḳhvāb jo dekhā nahīñ vo bhī adhūrā rah gayā

    maiñ to us ke saath ghar se nikal kar aa gayā

    aur pīchhe ek dastak ek saayā rah gayā

    us ko to pairāhanoñ se koī dilchaspī na thī

    dukh to ye hai rafta rafta maiñ bhī nañgā rah gayā

    rang tasvīroñ utrā to kahīñ Thahrā nahīñ

    ab ke vo bārish huī har naqsh phīkā rah gayā

    'umr bhar manzar-nigārī ḳhuun meñ utrī rahī

    phir bhī āñkhoñ ke muqābil ek dariyā rah gayā

    raunaqeñ jitnī thiiñ dahlīzoñ se bāhar aa ga.iiñ

    shaam se ghar darvāza khulā kyā rah gayā

    ab ke shahr-e-zindagī meñ sāneha aisā huā

    maiñ sadā detā use vo mujh ko taktā rah gayā

    titliyoñ ke par kitāboñ meñ kahīñ gum ho ga.e

    muTThiyoñ ke aa.ine meñ ek chehra rah gayā

    rail gaaḌī chalī to ik musāfir ne kahā

    dekhnā vo koī station pe baiThā rah gayā

    maiñ na kahtā thā ki ujlat is qadar achchhī nahīñ

    ek paT khiḌkī aa kar dekh lo rah gayā

    log apnī kirchiyāñ chun chun ke aage baḌh ga.e

    maiñ magar sāmān ikaTThā kartā tanhā rah gayā

    aaj tak mauj-e-havā to lauT kar aa.ī nahīñ

    kyā kisī ujḌe nagar meñ diip jaltā rah gayā

    uñgliyoñ ke naqsh gul-dānoñ pe aate haiñ nazar

    aao dekheñ apne andar aur kyā kyā rah gayā

    dhuup garmī se īñTeñ pak ga.iiñ phal pak ga.e

    ik hamārā jism thā 'aḳhtar' jo kachchā rah gayā

    KHwahishen itni baDhin insan aadha rah gaya

    KHwab jo dekha nahin wo bhi adhura rah gaya

    main to us ke sath hi ghar se nikal kar aa gaya

    aur pichhe ek dastak ek saya rah gaya

    us ko to pairahanon se koi dilchaspi na thi

    dukh to ye hai rafta rafta main bhi nanga rah gaya

    rang taswiron ka utra to kahin Thahra nahin

    ab ke wo barish hui har naqsh phika rah gaya

    'umr bhar manzar-nigari KHun mein utri rahi

    phir bhi aankhon ke muqabil ek dariya rah gaya

    raunaqen jitni thin dahlizon se bahar aa gain

    sham hi se ghar ka darwaza khula kya rah gaya

    ab ke shahr-e-zindagi mein saneha aisa hua

    main sada deta use wo mujh ko takta rah gaya

    titliyon ke par kitabon mein kahin gum ho gae

    muTThiyon ke aaine mein ek chehra rah gaya

    rail ki gaDi chali to ek musafir ne kaha

    dekhna wo koi station pe baiTha rah gaya

    main na kahta tha ki ujlat is qadar achchhi nahin

    ek paT khiDki ka aa kar dekh lo wa rah gaya

    log apni kirchiyan chun chun ke aage baDh gae

    main magar saman ikaTTha karta tanha rah gaya

    aaj tak mauj-e-hawa to lauT kar aai nahin

    kya kisi ujDe nagar mein dip jalta rah gaya

    ungliyon ke naqsh gul-danon pe aate hain nazar

    aao dekhen apne andar aur kya kya rah gaya

    dhup ki garmi se inTen pak gain phal pak gae

    ek hamara jism tha 'aKHtar' jo kachcha rah gaya

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now