KHwahishon ki aaD mein rutba jawani le gai

ḳhvāhishoñ kī aaḌ meñ rutba javānī le ga.ī

pattharoñ ke Dher se mazdūr raanī le ga.ī

ḳhvāb qissa chāhateñ duniyā siyānī le ga.ī

aur jo baaqī thā terī lan-tarānī le ga.ī

chāplūsī se mujhe bhī dushmanī mahñgī paḌī

kāmyābī ko uḌā kar haq-bayānī le ga.ī

kaun se farmān kā qissa sunāte ho huzūr

bādshah se aañkh merī hukmarānī le ga.ī

aap vāpas aa ga.e haiñ aap kā phir kyā gayā

merī ḳhuddārī ko lekin mehrbānī le ga.ī

chhoTī moTī hasratoñ ko vaqt le kar uḌ gayā

chain se marne kī ḳhvāhish zindagānī le ga.ī

KHwahishon ki aaD mein rutba jawani le gai

pattharon ke Dher se mazdur rani le gai

KHwab qissa chahaten duniya siyani le gai

aur jo baqi tha teri lan-tarani le gai

chaplusi se mujhe bhi dushmani mahngi paDi

kaamyabi ko uDa kar haq-bayani le gai

kaun se farman ka qissa sunate ho huzur

baadshah se aankh meri hukmarani le gai

aap wapas aa gae hain aap ka phir kya gaya

meri KHuddari ko lekin mehrbani le gai

chhoTi moTi hasraton ko waqt le kar uD gaya

chain se marne ki KHwahish zindagani le gai