ki jin se lahja badal ke tu bolta hai wo log

ki jin se lahja badal ke tū boltā hai vo log

malāl us kā saheñge magar kaheñge nahīñ

ri.āyatoñ meñ likheñge hamesh naam tirā

ba-nām-e-jurm-e-vafā tohmateñ dhareñge nahīñ

hamārā vaqt to hañs kar guzarne vaalā thā

magar ye rañj to ab raah se haTeñge nahīñ

ai ishq tere mizājoñ kī ḳhair ho ab ke

diye haiñ zaḳhm jo tū ne kabhī bhareñge nahīñ

vo ek pal ki jise ham ne zindagī likkhā

ab aur us kī aziyyat meñ ham jiyeñge nahīñ

so phir ye dil hī hamārā hamāre kaam aayā

kuchh aise phuul khile jo kabhī khileñge nahīñ

ki jin se lahja badal ke tu bolta hai wo log

malal us ka sahenge magar kahenge nahin

riayaton mein likhenge hamesh nam tera

ba-nam-e-jurm-e-wafa tohmaten dharenge nahin

hamara waqt to hans kar guzarne wala tha

magar ye ranj to ab rah se haTenge nahin

ai ishq tere mizajon ki KHair ho ab ke

diye hain zaKHm jo tu ne kabhi bharenge nahin

wo ek pal ki jise hum ne zindagi likkha

ab aur us ki aziyyat mein hum jiyenge nahin

so phir ye dil hi hamara hamare kaam aaya

kuchh aise phul khile jo kabhi khilenge nahin