kidhar ka tha kidhar ka ho gaya hun
kidhar kā thā kidhar kā ho gayā huuñ
musāfir kis safar kā ho gayā huuñ
ḳhudā us ko sadā pur-nūr rakkhe
maiñ taarā jis nazar kā ho gayā huuñ
dhare jā.eñge sab ilzām mujh par
maiñ hissa har ḳhabar kā ho gayā huuñ
mujhe ayyāriyāñ sab aa ga.ī haiñ
maiñ ab tere nagar kā ho gayā huuñ
tirī nazroñ ke ik farmān hī se
maiñ qaidī umr bhar kā ho gayā huuñ
mujhe ab ishq miTTī se nahīñ hai
maiñ āshiq māl-o-zar kā ho gayā huuñ
rivāyat chhoḌ baiThā huuñ maiñ apnī
maiñ dushman apne ghar kā ho gayā huuñ
vo jis ko shā.erī kahte haiñ 'āzim'
maiñ ghāyal us hunar kā ho gayā huuñ
kidhar ka tha kidhar ka ho gaya hun
musafir kis safar ka ho gaya hun
KHuda us ko sada pur-nur rakkhe
main tara jis nazar ka ho gaya hun
dhare jaenge sab ilzam mujh par
main hissa har KHabar ka ho gaya hun
mujhe ayyariyan sab aa gai hain
main ab tere nagar ka ho gaya hun
teri nazron ke ek farman hi se
main qaidi umr bhar ka ho gaya hun
mujhe ab ishq miTTi se nahin hai
main aashiq mal-o-zar ka ho gaya hun
riwayat chhoD baiTha hun main apni
main dushman apne ghar ka ho gaya hun
wo jis ko shaeri kahte hain 'azim'
main ghayal us hunar ka ho gaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
