ki shab-e-hashr meri sham-e-jawani tumne

kī shab-e-hashr mirī shām-e-javānī tum ne

chheḌī kis daur kī kis vaqt kahānī tum ne

ma.ānī-o-lafz meñ jo rabt hai maiñ jaan gayā

khole is tarah se asrār-e-ma.ānī tum ne

merī āñkhoñ hī meñ the an-kahe pahlū us ke

vo jo ik baat sunī merī zabānī tum ne

merī tārīḳh ne daa.im tumheñ baaqī samjhā

rakkhā har daur meñ daa.im mujhe faanī tum ne

maiñ to har dhuup meñ sāyoñ kā rahā huuñ juuyā

mujh se likhvā.ī sarāboñ kī kahānī tum ne

merī har baat meñ sau aib the har aib meñ shāḳh

ye ġhanīmat hai mirī qadr bhī jaanī tum ne

ki shab-e-hashr meri sham-e-jawani tum ne

chheDi kis daur ki kis waqt kahani tum ne

maani-o-lafz mein jo rabt hai main jaan gaya

khole is tarah se asrar-e-maani tum ne

meri aankhon hi mein the an-kahe pahlu us ke

wo jo ek baat suni meri zabani tum ne

meri tariKH ne daim tumhein baqi samjha

rakkha har daur mein daim mujhe fani tum ne

main to har dhup mein sayon ka raha hun juya

mujh se likhwai sarabon ki kahani tum ne

meri har baat mein sau aib the har aib mein shaKH

ye ghanimat hai meri qadr bhi jaani tum ne