kiran kiran ke daraKHshanda bab mere hain
Interesting Fact
Monthly 'Auraq' (Bihar issue) - Lahore 1982
kiran kiran ke daraḳhshanda baab mere haiñ
tamām raushniyoñ ke nisāb mere haiñ
shaboñ ke sabz jazīre haiñ sab mirī aqlīm
tamām jāgtī āñkhoñ ke ḳhvāb mere haiñ
maiñ huuñ tamām dhaḌakte diloñ kā shaidā.ī
ye ābgīne ye nāzuk habāb mere haiñ
tamām umr taḳhātub mirā mujhī se rahā
savāl maiñ ne kiye haiñ javāb mere haiñ
ḳhudā-e-dasht kī taqsīm par maiñ raazī huuñ
ki āb-pāre tire haiñ sarāb mere haiñ
nasīb aaj haiñ kāñTe agar to kyā ġham hai
na.ī rutoñ ke shagufta-gulāb mere haiñ
maiñ āftāb ke mānind huuñ naqīb-e-'sahar'
siyāhiyoñ pe sabhī ehtisāb mere haiñ
kiran kiran ke daraKHshanda bab mere hain
tamam raushniyon ke nisab mere hain
shabon ke sabz jazire hain sab meri aqlim
tamam jagti aankhon ke KHwab mere hain
main hun tamam dhaDakte dilon ka shaidai
ye aabgine ye nazuk habab mere hain
tamam umr taKHatub mera mujhi se raha
sawal main ne kiye hain jawab mere hain
KHuda-e-dasht ki taqsim par main raazi hun
ki aab-pare tere hain sarab mere hain
nasib aaj hain kanTe agar to kya gham hai
nai ruton ke shagufta-gulab mere hain
main aaftab ke manind hun naqib-e-'sahar'
siyahiyon pe sabhi ehtisab mere hain
- Book : Muntakhab Gazle.n (Pg. 71)
- Author : Nasir Zaidi
- Publication : Zahid Malik (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
