kirdar hai aur apni kahani se juDa hai

kirdār hai aur apnī kahānī se juḌā hai

insān to bas ālam-e-fānī se juḌā hai

maiñ kaise kahūñ pyaas se marte nahīñ panchhī

ye saañs kā rishta bhī to paanī se juḌā hai

dil ab bhī tirī aarzū kartā hai musalsal

dil ab bhī mirā yaad ke paanī se juḌā hai

har shaḳhs hī duniyā se chalā jā.egā ik din

har shaḳhs hī jab naql-e-makānī se juḌā hai

is ġham ko bhī ab dil meñ jagah denī paḌegī

ye ġham bhī mire saath javānī se juḌā hai

ye dard mirī jaan kā dushman banā 'zebī'

is dard kā rishta bhī ravānī se juḌā hai

kirdar hai aur apni kahani se juDa hai

insan to bas aalam-e-fani se juDa hai

main kaise kahun pyas se marte nahin panchhi

ye sans ka rishta bhi to pani se juDa hai

dil ab bhi teri aarzu karta hai musalsal

dil ab bhi mera yaad ke pani se juDa hai

har shaKHs hi duniya se chala jaega ek din

har shaKHs hi jab naql-e-makani se juDa hai

is gham ko bhi ab dil mein jagah deni paDegi

ye gham bhi mere sath jawani se juDa hai

ye dard meri jaan ka dushman bana 'zebi'

is dard ka rishta bhi rawani se juDa hai