kis ehtiyat se sapne sajaane paDte hain
kis ehtiyāt se sapne sajāne paḌte haiñ
ye sañg-reze palak se uThāne paḌte haiñ
bahut se dard to ham baañT bhī nahīñ sakte
bahut se bojh akele uThāne paḌte haiñ
ye baat us se patā kar jo ishq jāntā ho
paloñ kī raah meñ kitne zamāne paḌte haiñ
har ek peḌ kā saayā nahīñ milā kartā
bilā ġharaz bhī to paude lagāne paḌte haiñ
kisī ko dil se bhulāne meñ der lagtī hai
ye kapḌe kamre ke andar sukhāne paḌte haiñ
kahāñ se lāoge tum is qadar jabīn-e-niyāz
qadam qadam pe yahāñ āstāne paḌte haiñ
kis ehtiyat se sapne sajaane paDte hain
ye sang-reze palak se uThane paDte hain
bahut se dard to hum banT bhi nahin sakte
bahut se bojh akele uThane paDte hain
ye baat us se pata kar jo ishq jaanta ho
palon ki rah mein kitne zamane paDte hain
har ek peD ka saya nahin mila karta
bila gharaz bhi to paude lagane paDte hain
kisi ko dil se bhulane mein der lagti hai
ye kapDe kamre ke andar sukhane paDte hain
kahan se laoge tum is qadar jabin-e-niyaz
qadam qadam pe yahan aastane paDte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
