kis haqiqat ka inkishaf kiya

kis haqīqat kā inkishāf kiyā

dil ne mujh ko mire ḳhilāf kiyā

mere hone kā e'tirāf kiyā

mujh se jis ne bhī iḳhtilāf kiyā

to ne mujh ko muaaf kar Daalā

maiñ ne ḳhud ko nahīñ muaaf kiyā

aañkh maiñ gard-e-ḳhud-numā.ī thī

phir mujhe aa.ine ne saaf kiyā

ek sūrat dikhā.ī dene lagī

maiñ ne dil meñ ajab shigāf kiyā

ek duniyā tabāh kar Daalī

ek zarre ne inhirāf kiyā

masjidoñ meñ the shor-o-shar 'nayyar'

maiñ ne sahrā meñ etakāf kiyā

kis haqiqat ka inkishaf kiya

dil ne mujh ko mere KHilaf kiya

mere hone ka e'tiraf kiya

mujh se jis ne bhi iKHtilaf kiya

to ne mujh ko muaf kar Dala

main ne KHud ko nahin muaf kiya

aankh main gard-e-KHud-numai thi

phir mujhe aaine ne saf kiya

ek surat dikhai dene lagi

main ne dil mein ajab shigaf kiya

ek duniya tabah kar Dali

ek zarre ne inhiraf kiya

masjidon mein the shor-o-shar 'nayyar'

main ne sahra mein etakaf kiya