kis harf pe tu ne gosha-e-lab ai jaan-e-jahan ghammaz kiya

kis harf pe tū ne gosha-e-lab ai jān-e-jahāñ ġhammāz kiyā

elān-e-junūñ dil vāloñ ne ab ke ba-hazār-andāz kiyā

sau paikāñ the paivast-e-gulū jab chheḌī shauq kī lai ham ne

so tiir tarāzū the dil meñ jab ham ne raqs āġhāz kiyā

be-hirs-o-havā be-ḳhauf-o-ḳhatar is haath pe sar is kaf pe jigar

yuuñ kū-e-sanam meñ vaqt-e-safar nazzāra-e-bām-e-nāz kiyā

jis ḳhaak meñ mil kar ḳhaak hue vo surma-e-chashm-e-ḳhalq banī

jis ḳhaar pe ham ne ḳhuuñ chhiḌkā ham-rañg-e-gul-e-tannāz kiyā

lo vasl kī saa.at aa pahuñchī phir hukm-e-huzūrī par ham ne

āñkhoñ ke darīche band kiye aur siine kā dar baaz kiyā

kis harf pe tu ne gosha-e-lab ai jaan-e-jahan ghammaz kiya

elan-e-junun dil walon ne ab ke ba-hazar-andaz kiya

sau paikan the paiwast-e-gulu jab chheDi shauq ki lai hum ne

so tir taraazu the dil mein jab hum ne raqs aaghaz kiya

be-hirs-o-hawa be-KHauf-o-KHatar is hath pe sar is kaf pe jigar

yun ku-e-sanam mein waqt-e-safar nazzara-e-baam-e-naz kiya

jis KHak mein mil kar KHak hue wo surma-e-chashm-e-KHalq bani

jis KHar pe hum ne KHun chhiDka ham-rang-e-gul-e-tannaz kiya

lo wasl ki saat aa pahunchi phir hukm-e-huzuri par hum ne

aankhon ke dariche band kiye aur sine ka dar baz kiya