kis ke liye kijiye jama-e-diba-talab
kis ke liye kījiye jāma-e-dībā-talab
dil to kare hai mudām dāman-e-sahrā-talab
kaam ravā hoñ bhalā us se ham ab kis tarah
us ko tamannā nahīñ ham haiñ tamannā-talab
kis se kahīñ kyā kareñ hai ye tamāshā kī baat
vo to hai parda-nashīñ ham haiñ tamāshā-talab
kahiye to kis kis ke ab ġhaur kare vo tabīb
jis ke talabgār hoñ laakh mudāvā-talab
ek tamannā ho to yaar se kahiye 'nazīr'
dil hai pur-az-ārzū kījiye kyā kyā talab
kis ke liye kijiye jama-e-diba-talab
dil to kare hai mudam daman-e-sahra-talab
kaam rawa hon bhala us se hum ab kis tarah
us ko tamanna nahin hum hain tamanna-talab
kis se kahin kya karen hai ye tamasha ki baat
wo to hai parda-nashin hum hain tamasha-talab
kahiye to kis kis ke ab ghaur kare wo tabib
jis ke talabgar hon lakh mudawa-talab
ek tamanna ho to yar se kahiye 'nazir'
dil hai pur-az-arzu kijiye kya kya talab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
