kis ki sada pe kan lagae hue hun main

kis kī sadā pe kaan lagā.e hue huuñ maiñ

zaanū pe apne sar ko jhukā.e hue huuñ maiñ

vo din ga.e ki yaad thī āThoñ pahar tirī

ab apne aap ko bhī bhulā.e hue huuñ maiñ

rangīñ dikhā.ī detā hai saarā jahāñ mujhe

āñkhoñ meñ un ke jalve basā.e hue huuñ maiñ

maane hai tere aane meñ ai mast-e-nāz kyā

milne kī kab se aas lagā.e hue huuñ maiñ

'sā.ib' firāq-e-yād meñ ho maut hī nasīb

har vaqt kaisā haal banā.e hue huuñ maiñ

kis ki sada pe kan lagae hue hun main

zanu pe apne sar ko jhukae hue hun main

wo din gae ki yaad thi aaThon pahar teri

ab apne aap ko bhi bhulae hue hun main

rangin dikhai deta hai sara jahan mujhe

aankhon mein un ke jalwe basae hue hun main

mane hai tere aane mein ai mast-e-naz kya

milne ki kab se aas lagae hue hun main

'saib' firaq-e-yaad mein ho maut hi nasib

har waqt kaisa haal banae hue hun main