kis lamhe hum tera dhyan nahin karte

kis lamhe ham terā dhyān nahīñ karte

haañ koī ahd-o-paimān nahīñ karte

har dam terī maalā japte haiñ lekin

galiyoñ kūchoñ meñ elaan nahīñ karte

apnī kahānī dil meñ chhupā kar rakhte haiñ

duniyā vāloñ ko hairān nahīñ karte

ik kamre ko band rakhā hai barsoñ se

vahāñ kisī ko ham mehmān nahīñ karte

ik jaisā dukh mil kar bāñTā karte haiñ

ik duuje par ham ehsān nahīñ karte

kuchh raste mushkil hī achchhe lagte haiñ

kuchh rastoñ ko ham āsān nahīñ karte

raste meñ jo miltā hai mil lete haiñ

achchhe bure kī ab pahchān nahīñ karte

jī kartā hai bhālū bandar naam rakheñ

kaun sī vahshat ham insān nahīñ karte

'ālam' us ke phuul to kab ke suukh ga.e

kyuuñ taaza apnā gul-dān nahīñ karte

kis lamhe hum tera dhyan nahin karte

han koi ahd-o-paiman nahin karte

har dam teri mala japte hain lekin

galiyon kuchon mein elan nahin karte

apni kahani dil mein chhupa kar rakhte hain

duniya walon ko hairan nahin karte

ek kamre ko band rakha hai barson se

wahan kisi ko hum mehman nahin karte

ek jaisa dukh mil kar banTa karte hain

ek duje par hum ehsan nahin karte

kuchh raste mushkil hi achchhe lagte hain

kuchh raston ko hum aasan nahin karte

raste mein jo milta hai mil lete hain

achchhe bure ki ab pahchan nahin karte

ji karta hai bhaalu bandar nam rakhen

kaun si wahshat hum insan nahin karte

'alam' us ke phul to kab ke sukh gae

kyun taza apna gul-dan nahin karte