kis ne di aawaz sipar ki oT mein tha

kis ne dī āvāz ''sipar kī oT meñ thā''

merā sar to us ke sar kī oT meñ thā

maiñ ne saat parinde uḌte dekhe the

ek parinda aur shajar kī oT meñ thā

maidānoñ shahroñ meñ log salāmat haiñ

marne vaalā apne ghar kī oT meñ thā

yuuñ jaagī hai aag sabhī dālānoñ meñ

jaise koī haath sharar kī oT meñ thā

kyuuñ āñhkeñ ummīdoñ kī mehmān rahīñ

shāyad koī ḳhvāb safar kī oT meñ thā

aaj khulā dushman ke pīchhe dushman the

aur vo lashkar is lashkar kī oT meñ thā

'sājid' aaj hunar hai us ke saa.e meñ

lekin kal fankār hunar kī oT meñ thā

kis ne di aawaz sipar ki oT mein tha

mera sar to us ke sar ki oT mein tha

main ne sat parinde uDte dekhe the

ek parinda aur shajar ki oT mein tha

maidanon shahron mein log salamat hain

marne wala apne ghar ki oT mein tha

yun jagi hai aag sabhi dalanon mein

jaise koi hath sharar ki oT mein tha

kyun aanhken ummidon ki mehman rahin

shayad koi KHwab safar ki oT mein tha

aaj khula dushman ke pichhe dushman the

aur wo lashkar is lashkar ki oT mein tha

'sajid' aaj hunar hai us ke sae mein

lekin kal fankar hunar ki oT mein tha