kis ne mujhko sada di bata kaun hai
kis ne mujh ko sadā dī batā kaun hai
ai havā tere ghar meñ chhupā kaun hai
bārishoñ meñ kisī peḌ ko dekhnā
shaal oḌhe hue bhīgtā kaun hai
ḳhushbuoñ meñ nahā.ī huī shāḳh par
phuul sā muskurātā huā kaun hai
maiñ yahāñ dhuup meñ tap rahā huuñ magar
vo pasīne meñ Duubā huā kaun hai
dil ko patthar hue ik zamāna huā
is makāñ meñ magar boltā kaun hai
āsmānoñ ko ham ne batāyā nahīñ
Dūbtī shaam meñ Dūbtā kaun hai
tum bhī majbūr ho ham bhī majbūr haiñ
bevafā kaun hai bā-vafā kaun hai
kis ne mujh ko sada di bata kaun hai
ai hawa tere ghar mein chhupa kaun hai
barishon mein kisi peD ko dekhna
shaal oDhe hue bhigta kaun hai
KHushbuon mein nahai hui shaKH par
phul sa muskuraata hua kaun hai
main yahan dhup mein tap raha hun magar
wo pasine mein Duba hua kaun hai
dil ko patthar hue ek zamana hua
is makan mein magar bolta kaun hai
aasmanon ko hum ne bataya nahin
Dubti sham mein Dubta kaun hai
tum bhi majbur ho hum bhi majbur hain
bewafa kaun hai ba-wafa kaun hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
