kis ne un ka shabab dekha hai

kis ne un kā shabāb dekhā hai

jis ne dekhā hai ḳhvāb dekhā hai

āsmāñ par abhī to duniyā ne

ek hī āftāb dekhā hai

dekhne ko to husn ham ne bhī

ik se ik intiḳhāb dekhā hai

chand zī-qalb the jinheñ ham ne

sirf sad-iztirāb dekhā hai

sunñe vaale bhī jis ko sun na sakeñ

ham ne vo inqalāb dekhā hai

jab se badlī hai vo nigāh-e-karam

har nazar meñ itaab dekhā hai

ek duniyā ko ham ne apne ḳhilāf

bar-sar-e-ehtisāb dekhā hai

phir javāb-ul-javāb de na sakā

jis ne un kā javāb dekhā hai

is taraf un kā iltifāt to kyā

haañ magar ijtināb dekhā hai

ham ne dil-dādgān-e-ulfat kā

haal aksar ḳharāb dekhā hai

ham ne apnā to jazb-e-dil 'hairat'

shaaz hī kāmyāb dekhā hai

kis ne un ka shabab dekha hai

jis ne dekha hai KHwab dekha hai

aasman par abhi to duniya ne

ek hi aaftab dekha hai

dekhne ko to husn hum ne bhi

ek se ek intiKHab dekha hai

chand zi-qalb the jinhen hum ne

sirf sad-iztirab dekha hai

sunne wale bhi jis ko sun na saken

hum ne wo inqalab dekha hai

jab se badli hai wo nigah-e-karam

har nazar mein itab dekha hai

ek duniya ko hum ne apne KHilaf

bar-sar-e-ehtisab dekha hai

phir jawab-ul-jawab de na saka

jis ne un ka jawab dekha hai

is taraf un ka iltifat to kya

han magar ijtinab dekha hai

hum ne dil-dadgan-e-ulfat ka

haal aksar KHarab dekha hai

hum ne apna to jazb-e-dil 'hairat'

shaz hi kaamyab dekha hai