kis qadar dard ke shab karta tha mazkur tera

kis qadar dard ke shab kartā thā mazkūr tirā

vo hī bīmār tirā ḳhasta-o-ranjūr tirā

be-ḳhabar ab bhī shitābī se pahuñch Dartā huuñ

kushta-e-hijr na ho ye kahīñ mahjūr tirā

ye na aane ke bahāne haiñ sabhī varna miyāñ

itnā to ghar se mire kuchh nahīñ ghar duur tirā

nīchī nazroñ se tirī Dartā huuñ kyā kuchh na kareñ

dekh lenā to yahāñ sab ko hai manzūr tirā

āñkheñ in rozoñ meñ sach kahiyo laḌā.eñ kis se

be-tarah jhamke hai kuchh dīda-e-maḳhmūr tirā

jis kī tū yaarī kare yārī-e-do-jag vo kare

nāsir-e-har-do-jahāñ hove hai mansūr tirā

shash-jihat tujh satī ma.amūr hai allāh allāh

jhamke hai chāroñ taraf nām-e-ḳhudā nuur tirā

kis qadar dard ke shab karta tha mazkur tera

wo hi bimar tera KHasta-o-ranjur tera

be-KHabar ab bhi shitabi se pahunch Darta hun

kushta-e-hijr na ho ye kahin mahjur tera

ye na aane ke bahane hain sabhi warna miyan

itna to ghar se mere kuchh nahin ghar dur tera

nichi nazron se teri Darta hun kya kuchh na karen

dekh lena to yahan sab ko hai manzur tera

aankhen in rozon mein sach kahiyo laDaen kis se

be-tarah jhamke hai kuchh dida-e-maKHmur tera

jis ki tu yari kare yari-e-do-jag wo kare

nasir-e-har-do-jahan howe hai mansur tera

shash-jihat tujh sati mamur hai allah allah

jhamke hai chaaron taraf nam-e-KHuda nur tera