kis qadar mahdud kar deta hai gham insan ko

kis qadar mahdūd kar detā hai ġham insān ko

ḳhatm kar detā hai har ummīd har imkān ko

giit gaatā bhī nahīñ ghar ko sajātā bhī nahīñ

aur badaltā bhī nahīñ vo saaz ko sāmān ko

itne barsoñ kī riyāzat se jo qaa.em ho sakā

aap se ḳhatra bahut hai mere is īmān ko

koī ruktā hī nahīñ is kī tasallī ke liye

dekhtā rahtā hai dil har ajnabī mehmān ko

ab to ye shāyad kisī bhī kaam aa saktā nahīñ

aap hī le jā.iye mere dil-e-nādān ko

shahr vāloñ ko to jaise kuchh patā chaltā nahīñ

roktā rahtā hai sāhil roz-o-shab tūfān ko

kis qadar mahdud kar deta hai gham insan ko

KHatm kar deta hai har ummid har imkan ko

git gata bhi nahin ghar ko sajata bhi nahin

aur badalta bhi nahin wo saz ko saman ko

itne barson ki riyazat se jo qaem ho saka

aap se KHatra bahut hai mere is iman ko

koi rukta hi nahin is ki tasalli ke liye

dekhta rahta hai dil har ajnabi mehman ko

ab to ye shayad kisi bhi kaam aa sakta nahin

aap hi le jaiye mere dil-e-nadan ko

shahr walon ko to jaise kuchh pata chalta nahin

rokta rahta hai sahil roz-o-shab tufan ko