kis rang mein tha kal wo sitamgar tamam raat

kis rang meñ thā kal vo sitamgar tamām raat

taḌpā kiyā mirā dil-e-muztar tamām raat

afshāñ lagā ke baam pe aaya jo shaam ko

nikle na sharm se mah-o-aḳhtar tamām raat

parde meñ vo to chhup ga.e dikhlā ke ik jhalak

maiñ pech-o-tāb meñ rahā din bhar tamām raat

aane kā va.ada kar ke na aa.e jo shab ko vo

'sayyāf' ne bapā kiyā mahshar tamām raat

kis rang mein tha kal wo sitamgar tamam raat

taDpa kiya mera dil-e-muztar tamam raat

afshan laga ke baam pe aaya jo sham ko

nikle na sharm se mah-o-aKHtar tamam raat

parde mein wo to chhup gae dikhla ke ek jhalak

main pech-o-tab mein raha din bhar tamam raat

aane ka wada kar ke na aae jo shab ko wo

'sayyaf' ne bapa kiya mahshar tamam raat