kis se aazurda mere qatil ka KHanjar ho gaya

kis se āzurda mire qātil kā ḳhanjar ho gayā

kyā huā jo aaj yuuñ jaame se bāhar ho gayā

merā shohra aaj ik aalam meñ ghar ghar ho gayā

tere hāthoñ mujh ko qātil ye mayassar ho gayā

kyuuñ nahīñ miltā abhī tak tishna-lab haiñ bāda-ḳhvār

kyā tirā sāġhar bhī saaqī jām-e-kausar ho gayā

is qadar vahshat bhī ai dast-e-junūñ kis kaam kī

tere hāthoñ merā jiinā bhī to dūbhar ho gayā

josh-e-vahshat kā irāda thā ki uryāñ hī rahe

baare mar kar ik kafan mujh ko mayassar ho gayā

us kī rusvā.ī kā bhī aayā na tujh ko kuchh ḳhayāl

kis qadar bebāk tū ai dīda-e-tar ho gayā

muzhda ai ganj-e-shahīdāñ tere bhī din phir ga.e

aaj dil-bardashta duniyā se 'jauhar' ho gayā

kis se aazurda mere qatil ka KHanjar ho gaya

kya hua jo aaj yun jame se bahar ho gaya

mera shohra aaj ek aalam mein ghar ghar ho gaya

tere hathon mujh ko qatil ye mayassar ho gaya

kyun nahin milta abhi tak tishna-lab hain baada-KHwar

kya tera saghar bhi saqi jam-e-kausar ho gaya

is qadar wahshat bhi ai dast-e-junun kis kaam ki

tere hathon mera jina bhi to dubhar ho gaya

josh-e-wahshat ka irada tha ki uryan hi rahe

bare mar kar ek kafan mujh ko mayassar ho gaya

us ki ruswai ka bhi aaya na tujh ko kuchh KHayal

kis qadar bebak tu ai dida-e-tar ho gaya

muzhda ai ganj-e-shahidan tere bhi din phir gae

aaj dil-bardashta duniya se 'jauhar' ho gaya