kisi arman ke dil mein machal jaane ka mausam hai
kisī armān ke dil meñ machal jaane kā mausam hai
sañbhalnā ġhair-mumkin hai phisal jaane kā mausam hai
mohabbat se nazākat se vo jis sāñche meñ bhī Dhāle
usī sāñche meñ ḳhāmoshī se Dhal jaane kā mausam hai
kisī kī maañg meñ sindūr sajne jā rahā hai ab
kisī ke haath se mehñdī nikal jaane kā mausam hai
nahāne kaun utregā kināroñ par khaḌe haiñ sab
ye mausam bahte dariyā ke ubal jaane kā mausam hai
ga.e mausam meñ kitne zard patte shāḳh se TuuTe
ye mausam to hare pattoñ ke gal jaane kā mausam hai
zarūrī ye nahīñ badlāv kā matlab hī behtar ho
magar lagtā hai mausam ke badal jaane kā mausam hai
mohabbat meñ kisī kī maat se tum ko ġharaz kyā hai
siyāsat meñ koī sikka uchhal jaane kā mausam hai
kisi arman ke dil mein machal jaane ka mausam hai
sanbhalna ghair-mumkin hai phisal jaane ka mausam hai
mohabbat se nazakat se wo jis sanche mein bhi Dhaale
usi sanche mein KHamoshi se Dhal jaane ka mausam hai
kisi ki mang mein sindur sajne ja raha hai ab
kisi ke hath se mehndi nikal jaane ka mausam hai
nahane kaun utrega kinaron par khaDe hain sab
ye mausam bahte dariya ke ubal jaane ka mausam hai
gae mausam mein kitne zard patte shaKH se TuTe
ye mausam to hare patton ke gal jaane ka mausam hai
zaruri ye nahin badlaw ka matlab hi behtar ho
magar lagta hai mausam ke badal jaane ka mausam hai
mohabbat mein kisi ki mat se tum ko gharaz kya hai
siyasat mein koi sikka uchhal jaane ka mausam hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
