kisi bhi hadse se zindagi ke hum nahin Darte

kisī bhī hādse se zindagī ke ham nahīñ Darte

kisī bhī haal meñ ham hausla kuchh kam nahīñ karte

ham aane vaale kal ke vāste bechain rahte haiñ

jo kal guzrā hai us kal kā kabhī mātam nahīñ karte

hamārī zaat se taklīf pahuñche koī nā-mumkin

koī nāhaq agar rūThe to us kā ġham nahīñ karte

jinheñ ma.alūm hai ashkoñ kī qīmat ai mire hamdam

kisī ke sāmne āñkhoñ ko apnī nam nahīñ karte

hai jin ke dil meñ ummīd-o-yaqīñ kī raushnī baaqī

charāġh-e-ārzū kī lau ko vo maddham nahīñ karte

jinheñ maqsad meñ apne kāmyābī ho nahīñ paatī

vo jidd-o-jahd karte haiñ magar paiham nahīñ karte

tahammul apnī fitrat meñ hai shāmil vo kabhī 'hassān'

mizāj apnā zarā sī baat par barham nahīñ karte

kisi bhi hadse se zindagi ke hum nahin Darte

kisi bhi haal mein hum hausla kuchh kam nahin karte

hum aane wale kal ke waste bechain rahte hain

jo kal guzra hai us kal ka kabhi matam nahin karte

hamari zat se taklif pahunche koi na-mumkin

koi nahaq agar ruThe to us ka gham nahin karte

jinhen malum hai ashkon ki qimat ai mere hamdam

kisi ke samne aankhon ko apni nam nahin karte

hai jin ke dil mein ummid-o-yaqin ki raushni baqi

charagh-e-arzu ki lau ko wo maddham nahin karte

jinhen maqsad mein apne kaamyabi ho nahin pati

wo jidd-o-jahd karte hain magar paiham nahin karte

tahammul apni fitrat mein hai shamil wo kabhi 'hassan'

mizaj apna zara si baat par barham nahin karte