kisi bhi haal mein ye haq-kushi gawara nahin

kisī bhī haal meñ ye haq-kushī gavāra nahīñ

lahūluhān hameñ zindagī gavāra nahīñ

vajūd ke liye laḌte raheñge āḳhir tak

salīb par bhī hameñ ḳhāmushī gavāra nahīñ

unhīñ ke naam añdhere falak se aate haiñ

jinheñ hamārī kabhī raushnī gavāra nahīñ

ḳhudā kā avval-o-āḳhir hai haq ibādat par

zamīn vaale tirī bandagī gavāra nahīñ

har ek zulm kī khul kar muḳhālifat kī hai

hameñ ye aa.inī tarmīm bhī gavāra nahīñ

hameñ bhī pās-e-adālat hai avvalīñ lekin

ye ruḳh badaltī huī munsifī gavāra nahīñ

sun ai zamīr tire saath hai 'tarāz' ab tak

tū bik gayā to tirī be-hisī gavāra nahīñ

kisi bhi haal mein ye haq-kushi gawara nahin

lahuluhan hamein zindagi gawara nahin

wajud ke liye laDte rahenge aaKHir tak

salib par bhi hamein KHamushi gawara nahin

unhin ke nam andhere falak se aate hain

jinhen hamari kabhi raushni gawara nahin

KHuda ka awwal-o-aKHir hai haq ibaadat par

zamin wale teri bandagi gawara nahin

har ek zulm ki khul kar muKHalifat ki hai

hamein ye aaini tarmim bhi gawara nahin

hamein bhi pas-e-adalat hai awwalin lekin

ye ruKH badalti hui munsifi gawara nahin

sun ai zamir tere sath hai 'taraaz' ab tak

tu bik gaya to teri be-hisi gawara nahin