kisi bhi wahm ko KHud par sawar mat karna
kisī bhī vahm ko ḳhud par savār mat karnā
ḳhayāl-e-yār ko gard-o-ġhubār mat karnā
ḳhilāf-e-vāqi.a kuchh bhī ho sun sunā lenā
yahī tarīqa magar iḳhtiyār mat karnā
tumhārī aañkh meñ nafrat ho dūsroñ ke liye
tum apnī zaat se itnā bhī pyaar mat karnā
nasha chaḌhā hai to phir ye utar bhī jā.egā
jo hai surūr to is ko ḳhumār mat karnā
koī bhī rut ho vo apnā jamāl rakhtī hai
ḳhizāñ jo aa.e to is ko bahār mat karnā
ġhamoñ ke saath to jiinā hai umr bhar ke liye
ḳhushī ke saath to un ko shumār mat karnā
kisī ko jaan ke anjān ban ke milnā 'sād'
kisī ke saath bhī ye zulm yaar mat karnā
kisi bhi wahm ko KHud par sawar mat karna
KHayal-e-yar ko gard-o-ghubar mat karna
KHilaf-e-waqia kuchh bhi ho sun suna lena
yahi tariqa magar iKHtiyar mat karna
tumhaari aankh mein nafrat ho dusron ke liye
tum apni zat se itna bhi pyar mat karna
nasha chaDha hai to phir ye utar bhi jaega
jo hai surur to is ko KHumar mat karna
koi bhi rut ho wo apna jamal rakhti hai
KHizan jo aae to is ko bahaar mat karna
ghamon ke sath to jina hai umr bhar ke liye
KHushi ke sath to un ko shumar mat karna
kisi ko jaan ke anjaan ban ke milna 'sad'
kisi ke sath bhi ye zulm yar mat karna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
