kisi guman pe tawaqqoa ziyaada rakhte hain

kisī gumāñ pe tavaqqo.a ziyāda rakhte haiñ

phir aaj kū-e-butāñ kā irāda rakhte haiñ

bahār aa.egī jab aa.egī ye shart nahīñ

ki tishna-kām raheñ garche baada rakhte haiñ

tirī nazar kā gila kyā jo hai gila dil kā

to ham se hai ki tamannā ziyāda rakhte haiñ

nahīñ sharāb se rañgīñ to ġharq-e-ḳhūñ haiñ ki ham

ḳhayāl-e-vaz-e-qamīs-o-libāda rakhte haiñ

ġham-e-jahāñ ho ġham-e-yār ho ki tīr-e-sitam

jo aa.e aa.e ki ham dil kushāda rakhte haiñ

javāb-e-vā.iz-chābuk-zabāñ meñ 'faiz' hameñ

yahī bahut haiñ jo do harf-e-sāda rakhte haiñ

kisi guman pe tawaqqoa ziyaada rakhte hain

phir aaj ku-e-butan ka irada rakhte hain

bahaar aaegi jab aaegi ye shart nahin

ki tishna-kaam rahen garche baada rakhte hain

teri nazar ka gila kya jo hai gila dil ka

to hum se hai ki tamanna ziyaada rakhte hain

nahin sharab se rangin to gharq-e-KHun hain ki hum

KHayal-e-waz-e-qamis-o-libaada rakhte hain

gham-e-jahan ho gham-e-yar ho ki tir-e-sitam

jo aae aae ki hum dil kushada rakhte hain

jawab-e-waiz-chabuk-zaban mein 'faiz' hamein

yahi bahut hain jo do harf-e-sada rakhte hain