kisi jaanib se bhi parcham na lahu ka nikla

kisī jānib se bhī parcham na lahū kā niklā

ab ke mausam meñ bhī aalam vahī hū kā niklā

dast-e-qātil se kuchh ummīd-e-shafā thī lekin

nok-e-ḳhanjar se bhī kāñTā na gulū kā niklā

ishq ilzām lagātā thā havas par kyā kyā

ye munāfiq bhī tire vasl kā bhūkā niklā

jī nahīñ chāhtā mai-ḳhāne ko jaa.eñ jab se

shaiḳh bhī bazm-nashīñ ahl-e-subū kā niklā

dil ko ham chhoḌ ke duniyā kī taraf aa.e the

ye shabistāñ bhī isī ġhāliya-mū kā niklā

ham abas sozan-o-rishta liye galiyoñ meñ phire

kisī dil meñ na koī kaam rafū kā niklā

yār-e-be-faiz se kyuuñ ham ko tavaqqo thī 'farāz'

jo na apnā na hamārā na adū kā niklā

kisi jaanib se bhi parcham na lahu ka nikla

ab ke mausam mein bhi aalam wahi hu ka nikla

dast-e-qatil se kuchh ummid-e-shafa thi lekin

nok-e-KHanjar se bhi kanTa na gulu ka nikla

ishq ilzam lagata tha hawas par kya kya

ye munafiq bhi tere wasl ka bhuka nikla

ji nahin chahta mai-KHane ko jaen jab se

shaiKH bhi bazm-nashin ahl-e-subu ka nikla

dil ko hum chhoD ke duniya ki taraf aae the

ye shabistan bhi isi ghaaliya-mu ka nikla

hum abas sozan-o-rishta liye galiyon mein phire

kisi dil mein na koi kaam rafu ka nikla

yar-e-be-faiz se kyun hum ko tawaqqo thi 'faraaz'

jo na apna na hamara na adu ka nikla