kisi ka aks-e-badan tha na wo sharara tha

kisī kā aks-e-badan thā na vo sharāra thā

to maiñ ne ḳhema-e-shab se kise pukārā thā

kahāñ kisī ko thī fursat fuzūl bātoñ kī

tamām raat vahāñ zikr bas tumhārā thā

makāñ meñ kyā koī vahshī havā dar aa.ī thī

tamām pairahan-e-ḳhvāb paara paara thā

usī ko bār-e-digar dekhnā nahīñ thā mujhe

maiñ lauT aayā ki manzar vahī dobāra thā

subuk-sarī ne girānī ajiib kī dil par

hai ab ye bojh ki vo bojh kyuuñ utārā thā

shab-e-siyāh safar ye bhī rā.egāñ to nahīñ

vo kyā huā jo mire saath ik sitāra thā

kisi ka aks-e-badan tha na wo sharara tha

to main ne KHema-e-shab se kise pukara tha

kahan kisi ko thi fursat fuzul baaton ki

tamam raat wahan zikr bas tumhaara tha

makan mein kya koi wahshi hawa dar aai thi

tamam pairahan-e-KHwab para para tha

usi ko bar-e-digar dekhna nahin tha mujhe

main lauT aaya ki manzar wahi dobara tha

subuk-sari ne girani ajib ki dil par

hai ab ye bojh ki wo bojh kyun utara tha

shab-e-siyah safar ye bhi raegan to nahin

wo kya hua jo mere sath ek sitara tha