kisi ka ek hai dushman to dost-dar hai ek

kisī kā ek hai dushman to dost-dār hai ek

hamārā hijr adū ek vasl yaar hai ek

jahāñ meñ shādī o ġham se nahīñ hai duur koī

ḳhizāñ adū hai mirā ek aur bahār hai ek

ḳhushī nasīb nahīñ ham ko ta-ba-hashr koī

hazār rañj haiñ ek aur ye dil-figār hai ek

bisān-e-marg-o-hayāt ahl-e-dil ko aalam meñ

hamesha ek hai dil jis pe ġham savār hai ek

milā hai husn-e-ḳhudā-dād jin ko aalam meñ

fidā jo ek hai un par to jāñ-nisār hai ek

rah-e-vafā meñ ye hai haal āshiqoñ kā mudām

ḳharāb ek hai shorīda-sar to ḳhaar hai ek

miloge ham se jo 'miskīñ' duī ko duur karo

shumār ek hai gar dam hai do pe taar hai ek

kisi ka ek hai dushman to dost-dar hai ek

hamara hijr adu ek wasl yar hai ek

jahan mein shadi o gham se nahin hai dur koi

KHizan adu hai mera ek aur bahaar hai ek

KHushi nasib nahin hum ko ta-ba-hashr koi

hazar ranj hain ek aur ye dil-figar hai ek

bisan-e-marg-o-hayat ahl-e-dil ko aalam mein

hamesha ek hai dil jis pe gham sawar hai ek

mila hai husn-e-KHuda-dad jin ko aalam mein

fida jo ek hai un par to jaan-nisar hai ek

rah-e-wafa mein ye hai haal aashiqon ka mudam

KHarab ek hai shorida-sar to KHar hai ek

miloge hum se jo 'miskin' dui ko dur karo

shumar ek hai gar dam hai do pe tar hai ek