kisi ka KHiram-e-jawan dekhta hun

kisī kā ḳhirām-e-javāñ dekhtā huuñ

tarannum kī jū-e-ravāñ dekhtā huuñ

kabhī dekhtā huuñ sū-e-jāda-e-ġham

kabhī apnā azm-e-javāñ dekhtā huuñ

ik aisā bhī 'ālam guzartā hai mujh par

ki qadmoñ meñ donoñ jahāñ dekhtā huuñ

hijāb-e-ruḳh-e-lāla-o-gul uThā kar

mohabbat kī chingāriyāñ dekhtā huuñ

ye tamhīd hai jaur-e-tāza kī shāyad

unheñ aaj kuchh mehrbāñ dekhtā huuñ

manāzir kī be-rangiyoñ se guzar kar

manāzir kī gul-kāriyāñ dekhtā huuñ

mohabbat meñ ab us jagah huuñ ki un ko

jahāñ chāhtā huuñ vahāñ dekhtā huuñ

junūñ se vahāñ kaam letā huuñ 'shāriq'

ḳhirad ko jahāñ sar-garāñ dekhtā huuñ

kisi ka KHiram-e-jawan dekhta hun

tarannum ki ju-e-rawan dekhta hun

kabhi dekhta hun su-e-jada-e-gham

kabhi apna azm-e-jawan dekhta hun

ek aisa bhi 'alam guzarta hai mujh par

ki qadmon mein donon jahan dekhta hun

hijab-e-ruKH-e-lala-o-gul uTha kar

mohabbat ki chingariyan dekhta hun

ye tamhid hai jaur-e-taza ki shayad

unhen aaj kuchh mehrban dekhta hun

manazir ki be-rangiyon se guzar kar

manazir ki gul-kariyan dekhta hun

mohabbat mein ab us jagah hun ki un ko

jahan chahta hun wahan dekhta hun

junun se wahan kaam leta hun 'shaariq'

KHirad ko jahan sar-garan dekhta hun