kisi ke gham mein shirkat chahiye thi

kisī ke ġham meñ shirkat chāhiye thī

kisī ke ġham se fursat chāhiye thī

mirī āñkhoñ ko rāhat chāhiye thī

kisī sūrat vo sūrat chāhiye thī

kisī kī tum ko sohbat chāhiye thī

hameñ lekin mohabbat chāhiye thī

tū aise vaqt par bichhḌā hai mujh se

mujhe jab terī qurbat chāhiye thī

tujhe paane ko jo bhī chāhiye thā

vo sab thā sirf qismat chāhiye thī

tire hone se diqqat hai bahut hai

mujhe lekin ye diqqat chāhiye thī

faqat dīvār ko ghar kaise kahtā

mire sar par mujhe chhat chāhiye thī

ijāzat thī nahīñ rone kī ham ko

so rone kī ijāzat chāhiye thī

kisi ke gham mein shirkat chahiye thi

kisi ke gham se fursat chahiye thi

meri aankhon ko rahat chahiye thi

kisi surat wo surat chahiye thi

kisi ki tum ko sohbat chahiye thi

hamein lekin mohabbat chahiye thi

tu aise waqt par bichhDa hai mujh se

mujhe jab teri qurbat chahiye thi

tujhe pane ko jo bhi chahiye tha

wo sab tha sirf qismat chahiye thi

tere hone se diqqat hai bahut hai

mujhe lekin ye diqqat chahiye thi

faqat diwar ko ghar kaise kahta

mere sar par mujhe chhat chahiye thi

ijazat thi nahin rone ki hum ko

so rone ki ijazat chahiye thi