kisi ke sae kisi ki taraf lapakte hue
kisī ke saa.e kisī kī taraf lapakte hue
nahā ke raushniyoñ meñ lage bahakte hue
ye rang rang ke paikar ye tez mausīqī
har ik badan pe ka.ī zaḳhm haiñ thirakte hue
bahut se log the raqsāñ magar alaav ke gird
kisī ko dekhā nahīñ is tarah damakte hue
ye haq-parastoñ kī bastī ujaḌ na jaa.e kahīñ
mujhe mile haiñ ka.ī aa.ine sisakte hue
ye kaun sāmne baiThā hai ḳhūb-rū aisā
malāl hone lage aañkh bhī jhapakte hue
ab aise ḳhauf ke saa.e meñ ḳhvāb dekheñ kyā
yahāñ to aañkh bhī Darne lagī jhapakte hue
kisi ke sae kisi ki taraf lapakte hue
naha ke raushniyon mein lage bahakte hue
ye rang rang ke paikar ye tez mausiqi
har ek badan pe kai zaKHm hain thirakte hue
bahut se log the raqsan magar alaw ke gird
kisi ko dekha nahin is tarah damakte hue
ye haq-paraston ki basti ujaD na jae kahin
mujhe mile hain kai aaine sisakte hue
ye kaun samne baiTha hai KHub-ru aisa
malal hone lage aankh bhi jhapakte hue
ab aise KHauf ke sae mein KHwab dekhen kya
yahan to aankh bhi Darne lagi jhapakte hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
